Chantel姚焯菲放暑假回港，推出新歌《想飛之內心獨白》，到美國升讀大學的她已經19歲，不再稚氣，藉住新歌訴心聲。Chantel回港香港心情興奮，「好掛住大家！好掛住咁多位小菲象！我返嚟喇！」
新歌MV在美國Catskills （卡茨基爾）取景，她透露拍攝MV時，好像經歷了四季般。為配合歌曲跳出舒適圈的含意，這次選擇在公路、草原、湖泊以及雪地等遼闊的地方拍攝，Chantel面帶笑容穿梭不同風景，發掘與探索新事物。其中雪地的場口簡直「愛靚唔愛命」，Chantel身穿入膊連身裙在大風雪中拍攝，即使撐住傘亦滿身雪花，凍到鼻及耳仔通紅，她說：「雪地嗰一幕真係好難忘，本身團隊搵咗個樹林拍，本身都已經白茫茫一片，得零下幾度，點知突然落雪變咗再凍啲！好在團隊有個臨時帳篷可以俾我入去避雪，不過，最後都係凍到病咗，但係拍到靚畫面係值得嘅！」
這次回港除了推出新歌，Chantel亦有好消息宣布，她將於8月29日舉行個人演唱會，「呢次返嚟香港行程好充實，除咗宣傳新歌，7月尾會去加拿大工作，同時亦籌備緊8月29日開自己嘅個人演唱會，好期待近距離同大家見面！」更多演唱會細節留待稍後公布。
更多圖輯：
