黎耀祥與麥長青主持的旅遊節目《江湖見》，今晚（9日）播出的一集，嘉賓是電視史上第一位飾演「黃蓉」的米雪，米雪在舟山會合，更以「第一代黃蓉」身份，帶二人到真正的桃花島，及大談金庸筆下「桃花島」的真正由來！米雪與祥哥自《大太監》後已未有再合作，他們分別飾演慈禧太后與李連英，今次難得相隔14年再度碰頭，祥哥即時向米雪姐作揖高呼「太后吉祥」！
米雪憶述當年被選中飾演黃蓉的感受，她笑言不知道黃蓉是誰：「當時我記得係1976年，我哋幾個男仔女仔俾人揀中，我問過啲女同學，大家都未睇過武俠小說嘅，大家都唔知黃蓉定穆念慈邊個先係主角，一睇小說，先知道：『嘩！原來咁多戲』。」米雪表示全靠演了黃蓉，讓她年紀輕輕已學識點做人，「睇《射鵰》發現黃蓉古靈精怪、見人講人話，同埋要發惡嗰時就惡，對周伯通惡，但對洪七公就嗲啲，氹佢攞功夫時仲會煮嘢佢食。」
米雪開心share昔日拍劇飛紙仔及在片場為自己打反光板的經歷：「今晚拍完，剪接加效果，聽日就出街架喇……我哋自己攞住塊反光板，問燈光師、攝影師得唔得？然後就講對白㗎喇。」米雪續指，當年由於拍攝時間緊逼，試過04再接06，故經常未落妝就瞓覺：「慳番啲瞓覺時間嘛，第二朝起身係咁易抹一抹，再補番啲粉落去。」
更多圖輯：
