黃翠如上月23日44歲生日，先在上月中出走加入唐詩詠的日本之旅來個預祝生日外，然後第一年以媽咪身份跟老公蕭正楠和囝囝蕭哈哈齊度過，生日禮物是一家三口齊遊海洋公園；之後就跟閨密連詩雅（Shiga）母女、洪永城和梁諾妍一家齊齊打邊爐及歎大閘蟹補祝生日。
Shiga在社交網貼出聚會照，留言：「3家人走在一起，說說湊仔經，開開心心，就係一個溫馨嘅晚上，緣份就係好好嘅朋友，咁啱差唔多時間一齊做媽媽，更加奇妙歡樂嘅感覺（我哋兩個新手媽媽時時可以向呢位2胎寶媽取經）好溫馨，當然仲有同呢位靚媽補祝生日！最緊要開開心心，哈哈（黃翠如囝囝）常歡笑，大家都身體健康，其實都好足夠啦！#簡簡單單就是這樣 #同小朋友影相係最困難嘅一件事 #下次要有張完美大合照」。
今日（3日）翠如與陳自瑤亦在社交網貼上，二人一起飛去武漢一起工作，除了工作造型照外，還有二人坐在浴缸上捧着蛋糕和鮮花，順道為翠如補祝生日的合照。翠如笑指：「一起在廁所慶祝過了一點的生日」！另一好姊妹Shiga都忍不住笑問：「點解咁慘要喺廁所慶祝」？陳自瑤則表示：「一直有個小小的心願，就是希望這位旅遊達人，可以帶着我和Shiga去旅行😂，可惜這麼多年，一直都未有機會實現。這次，感謝品牌方的邀請，總算讓我們一起搭上飛機，去了一趟工作之旅，還在這趟旅程，為你送上小小的生日驚喜🎂，頂住先！希望我們這個願望有一天真的可以實現」。Shiga亦非常期待：「希望我哋下次可以三個一齊去trippppp」！
