黃日華自太太梁潔華離世後，曾因痛失摯愛而一度大受打擊，近年已大幅減少演藝工作。早前他驚喜現身黎瑞恩的佛山演唱會擔任嘉賓，隨即傳出他因經濟問題而「全面復出」的消息，引發外界高度關注。對此，黃日華近日特地拍片開腔回應，明確否認復出之說。
黃日華當日在黎瑞恩的演唱會中，表示：「自從我太太走咗之後，我就推晒所有商演、演出、唱歌嘅機會，但我點都估唔到我今晚可以再企舞台上面，單獨為你哋表演，我覺得非常開心。」有網民將這則內容杜撰他要復出的新聞，他反復看了多次該片後，亦百思不得其解，「我聽唔到自己講過話要『復出』呢兩個字。」
黃日華進一步指出，許多平台及網上消息稱他全面復出拍戲、唱歌、接商演，全非事實：「我喺黎瑞恩演唱會入面，好榮幸做佢嘉賓，亦都畀個機會我去單獨唱一首《中國人》，但並唔代表我係復出，大家千祈唔好誤會啊。」
談及未來工作規劃，黃日華直言暫時不考慮復出：「我暫時都唔會諗住，因為我非常享受而家嘅生活。得閒可以出嚟做下演唱會嘅嘉賓，同啲朋友見下面，幫下手。」他透露現時絕大部分時間都投放在香港明星足球隊：「我要睇住隊波、帶住隊波，仲有我鍾意踢波，又可以同啲兄弟開心吓，所以呢個工作我非常之鍾意。」他更幽默總結：「現階段，我係付出多過復出嘅。」
對於外界指他因「窮」、「冇錢」、「用晒錢」而被迫復出的說法，黃日華鄭重澄清：「我雖然唔係好有錢，但我仲有錢嘅，經濟方面，大家唔使特別擔心，OK。」他又呼籲粉絲不要輕信網上傳聞：「大家唔好再信網上面啲嘢啦，信我！」
黃日華足本澄清「全面復出」傳聞：
