日前無綫行政主席許濤召開大會，向一眾藝員聽取意見，近百人出席，有傳魯振順情緒激動向許濤表達意見，長達10分鐘，控訴被cut show收入大減，以及被《中年好聲音》歌手搶飯碗。事後魯振順直認只是「講事實」，他大呻底薪較洗碗工更低，自言一把年紀，但求溫飽，但面對不停減騷，以及公司不斷搵外援，沒有善用自己人。魯振順表示在外邊不是沒有工作機會，但認為做生不如做熟，希望公司賺到錢之餘，要安慰有份衝鋒陷陣、捱更抵夜的員工。
無綫高層曾志偉昨日（3日）出席《聲秀》記者會時，回應事件，他表示當日不在場，他認為隨着年齡增長，好多藝人都面對相同問題，「其實TVB咁大個家庭已經好難得，一定係長江後浪推前浪，能保留到幾多舊人，TVB已經盡力做到最好。」志偉認為隨着年齡增長，適合的角色會更少，因此開工的日數亦會減少。志偉續說：「不過，TVB仍然好有感情留住大家，就算簽一個show，起碼有TVB個名，喺出邊做嘢都會方便啲，其實無一個藝人可以做到老，大家明白事理就得。」
志偉表示並非只有TVB員工開工不足，「現在電影界開戲少到嚇死你，好多人已轉行揸的士，TVB已經是唯一一間日日開緊工，還能夠幫助業內有限的人數，但你話能不能照顧晒呢？好難，現在業界80%工作都在TVB，所以承擔好大。」他不認同《中年好聲音》歌手搶飯碗，即如有網約車亦有的士，大家可以自由選擇。
魯振順圖輯：
