由高鈞賢擔任隊長，隊員包括莊思敏、關楚耀、彭迪安、黎澤恩、譚傑明、唐嘉麟、陳柏曦、陳偉洪、呂熙、李興華、江梓瑋和陶大衛組成的香港明星籃球隊「星BA」，日前在佛山巿順德參加邀請賽時，已率先在球場演繹由內地製作人李毅杰作曲及填詞的隊歌《Together We Play》。隊歌已於前日（26日）正式派台，高鈞賢、莊思敏、彭迪安、唐嘉麟、陳柏曦、陳偉洪、呂熙、李興華、江梓瑋、陶大衛有份參與錄音。
高鈞賢因打波雙腳都曾經受傷，所以當初收到《Together We Play》的demo時，心情特別激動，「我對籃球嘅熱愛同熱情，一直都冇改變，但係我真係冇諗過自己隊波可以擁有自己嘅主題曲，為咗呢首歌我哋製作團隊同埋全隊都付出咗好多心血。」講到跟隊友為新歌錄音，高鈞賢大讚氣氛相當好，「我哋真係好齊心完成咗呢段咁熱血沸騰嘅事，真係覺得好青春，雖然而家大家都唔係咁青春，但係大家都有呢份熱誠，呢種感覺我有好多年冇感受過。」他最開心的是還未足一歲半的囡囡高子琳都好喜歡這歌，「呢首歌對我嚟講仲有特別嘅意義，我個女都好鍾意唱歌，又好鍾意打波，佢每次聽到呢首歌都會好興奮喺度搖，希望每個聽到嘅朋友，都可以好似我個女咁，感受到我哋嘅活力同埋團隊精神啦！」
非歌手出身的莊思敏坦言錄音過程很新鮮，「唱歌絕對唔係我強項，今次走入去錄音室雖然好緊張，但工作人員都畀咗好大嘅信心我，亦都畀咗好多幫助我。」彭迪安自言錄音時，重拾當年男團EO2的感覺，「其實真係好少機會喺內地錄音，今次個錄音室好大，兼且有好多藝人朋友一齊錄，真係好耐冇試過一班人咁錄歌，我仲係組合EO2時就多呢啲機會，但今次比起喺E02時更加多人，所以氣氛真係好好。」
更多圖輯：
