雷頌德網上節目第一個嘉賓就是馮德倫。
雷頌德（Mark）上月開始在網上開始節目，由講結他開始，再逐一講與他合作過的多位歌手，包括陳慧琳、黎明、楊千嬅、陳奕迅、許志安、張衛健等，近日終於講到他與馮德倫（Stephen）30年前成軍的二人組合Dry，緊接邀Stephen擔任他的節目首個嘉賓，二人隔空「合體」。
Dry於1996年出道，但在1998年推出第三張唱片後解散，拆夥原因傳聞多多，雖然這些年來他們也曾否認過不和，並曾在Mark的演唱會合體，但私下似乎沒有太多的交雜。今次Dry來個「30年後傾吓偈」特輯，Mark對Stephen說：「我嘅節目第一次有嘉賓梗係你，講Dry一定要有埋你！」
在第一集「開始篇」中，Mark自言當時已做幕後創作人一段時間，寫歌和做監製已有點成績，但他跟黃柏高（Paco）說想圓夢做Rock Star玩Band，卻被Paco嫌棄個樣唔掂，於是他跟朋友說想搵個靚仔拍檔，經介紹下就見了Stephen，在沒有其他選擇下已認定對方。但原來Stephen只喜歡彈結他不想唱歌，「我被人『昆』咗去唱歌囉，但都係因為你幫我，搞到我啲歌先見得人囉」。
到第二集「講$篇」，Stephen續說當年以為搞heavy metal、grunge，最終卻是流行音樂。Mark即謂他們第一張碟賣得不錯，但奇怪是總被分開邀拍廣告，從沒找他們一起拍過。Stephen就話除了樂隊工作，其他事都不會一齊，例如Mark去幫別的歌手做音樂，他就去了拍戲。Mark直言組合似一個Project，但他心裏不是這樣想。Stephen續爆二人沒有交流，樂隊的歌都是你有你寫我有我寫，Mark即謂：「聰明人唔使溝通咁多。」Mark指當年他們都OK幾受歡迎，無錢搵，跟收入不成正比。
