潮流興打匹克球，陳煒今日（24日）都在社交網上載打波片段。煒哥留言：「人生第一次接觸pickleball，原來真係幾好玩喎，好大運動量，出一身汗超正！讚吓我有天份啦大家，我就會落力啲打好啲㗎啦！」並曬出甫士照，笑言：「第一次學pickleball，唔打得都睇得啩」！
穿上白色運動背心與深藍色短裙，再加上長白襪，52歲的煒哥盡顯好身材，超有動感，青春活力返晒嚟。其實不用煒哥叫大家讚她有天分，網民都衷心讚她，梗想要跟煒哥雙打。好友袁文傑誇張留言：「簡直就係百年難得一見奇才」；張名雅亦謂：「睇片睇到我都想同你打」！
