羅才杰牧師
陳敏兒於本月12日因病離世，終年66歲。當日耗噩來得太突然，令人難以接受。在今日陳敏兒的安息禮上，羅杰才牧師透露了陳敏兒彌留時的情況。
羅牧師形容陳敏兒像不倒翁，生命力很強的人。當三仔廖文諾離世後，她成立「家長匯集」推動正向教育；到廖啟智離開，她又搞生死教育；至她大病做完手術，就成立「幸福生活協會」，當時羅牧師也曾勸她先養好身體。提到陳敏兒最後身體變差，牧師提出見面，到驗了好差的消息，陳敏兒跟大家道別，她仍說等入寧養病房才安排見面，但跟住就收到她在家暈倒昏迷入院消息。
大仔廖文哲捧著母親遺照，與弟弟跟隨靈柩移送火葬場。
羅牧師續謂陳敏兒在醫院三星期：「我哋去探佢，佢好安詳咁瞓喺度，同佢講嘢，佢似乎有啲反應，知道有人探佢，有人關心佢。到第四次探佢，我摸住佢嘅手，就問：『點解佢仲唔走呢？』」牧師表示當時有少許感觸，覺得是上帝給她最好的安排：「如果嗰三個禮拜佢係清醒，就會好多好多人嚟問佢嘢，佢要應付好多嘅人，依家佢唔使應付，佢淨係瞓喺度，但又俾足夠時間啲人同佢道別，特別係佢兩個仔。」在給予足夠時間兩個仔後，牧師跟她說：「媽媽，夠啦，你可以安心去啦！」
