陳奕迅及徐濠縈的愛女陳康堤 CONSTANCE，加入香港華納唱片後推出首支單曲《doll》，MV更找來康堤的好友、曾為Chanel、Tom Ford、Nike和PlayStation等國際品牌拍攝宣傳短片而聞名的年輕導演MO LYU執導，為康堤的首支MV帶來了獨特的視覺美學。這次合作不僅是創意火花的碰撞，更是兩人共同藝術旅程的開始。康堤表示：「好感激可以同咁優秀嘅團隊去製作我嘅第一個MV！佢哋喺成個過程中俾咗好多支持同鼓勵我，如果無佢哋我真係唔知應該點做呢！有咁多好朋友參與呢個MV對我嚟講真係意義重大！」
康堤直言拍攝當日踏入現場，覺得極度緊張但又令她興奮期待，場景佈置讓她驚嘆不已，親身經歷MV拍攝的整個過程讓她感到眼界大開！康堤分享道：「雖然拍攝節奏好快又有好多鏡頭要拍，但我真係好享受成個過程，仲愈拍愈精神！同埋感覺到同製作團隊大家愈拍愈熟，都幫到我能夠好快咁融入到角色。其中要重複拍攝一啲動作幅度比較大嘅長鏡頭，需要高度專注同精力，我覺得好有挑戰性呀！」
康堤續說：「其實開頭知道要拍MV時我真係好擔心又好大壓力，到臨拍前幾日我直情感覺到自己愈來愈焦慮，不停擔心自己可唔可以表現得好、會唔會令大家失望。 睇完MV後，我意識到自己都仲有好多進步空間。不過，我都有同自己講呢個只係我嘅第一個MV，相信未來仲會有更多機會俾我去成長和嘗試！」
陳奕迅當年用了康堤的照片做唱片封面。
歌曲由她與知名年輕音樂人 Ernest Choi 聯手創作，描繪出從有毒、 操控性的關係中掙脫的歷程。
