陳山聰、劉佩玥今日（21日）出席劇集《奪命提示》宣傳活動，穿上婚紗的劉佩玥表示著婚紗著到麻木，「拍劇已經著咗好多次，著到好似好麻木，覺得係正常事咁，所以我將來結婚都會從簡，唔一定要著婚紗，可以著西裝，要睇到時咩年紀先算，其實我廿幾歲都有諗過結婚會係點，要好靚及有咩擺設，𠵱家就無諗，隨時簽張紙就算，不過如果我有一日結婚就會同大家講，但暫時未有計劃。」
陳山聰日前突然在社交平台上載眼睛貼上紗布的自拍照，相中的他面容憔悴，令人擔心，他透露剛完成眼部手術，「兩星期前去完日本外景返嚟就出事，其實每年都生一次，當時眼已經紅晒，滴完眼藥水以為無事，點知過兩日復發，就去睇醫生，醫生用手撳出嚟，上星期日做宣傳時愈來愈嚴重，當晚返屋企眼球火滾咁，第2日即睇醫生，醫生叫我入房做手術，打支麻醉在眼皮真係好痛，開刀後醫生話入面積咗好多膿，簡單講係隻眼生咗好大粒暗瘡，因為今個星期又要宣傳，星期六係我佛山演唱會，所以要好快搞好佢。」
更多現場圖輯：
