昨晚嘉賓關嘉敏（左）及徐加晴（右）。
關嘉敏（Carman）早前在《女神配對計劃》最終爆喊棄愛，寧缺毋濫，昨晚（25日）與「通靈歌手」徐加晴（Rona）擔任《直播靈接觸》嘉賓。Carman跟Rona早年出道時合作演出認識，後來成為閨密，但Carman鮮有找Rona幫手算愛情運。
Rona透露私下已算到Carman早兩年已行姻緣運，她笑說︰「喺呢10年會有好多追求者出現，唯一係佢太過old school。」主持梁思浩首次跟Carman見面，亦直指：「佢個樣好時髦，但裏面好古代」Carmen亦承認為人比較保守，拍拖先要見家長獲父母認可才可以拖手，錫錫就要認定彼此是男女朋友關係才可以。
梁思浩續謂有一位紅星曾給相士開盤算命︰「佢好似你（Carmen）一樣係古代（思想）嘅人，話佢可以拍拖，但千祈唔可以行房，佢可以一路好紅，但佢一行房就斷咗自己嘅運，所以佢Keep到一路好紅，佢就真係揀到一個結咗婚之後先有呢樣嘢嘅人，因為佢係古代人，唔可以無媒苟合做啲牀事。」
思浩向Carman說：「你睇吓你係咪呢隻嘞，其實你話俾人聽你係呢隻有着數㗎！」Rona再爆Carman前世是位皇后，是被許配成婚，她說︰「佢拍拖之前會帶嗰個男仔俾朋友、家人睇晒問得唔得先諗。」
