鍾嘉欣繼今年4月在社交網分享與劉松仁溫馨相聚，自爆松哥是改變她一生的人後，近日推出新歌的她，亦請來松哥拍片幫手宣傳。嘉欣留言：「我珍惜松哥的每一句話，句句充滿智慧與溫暖，或許記不全，但都藏在我心裏」。
片段中二人相見甚歡，嘉欣剪輯了二人部分對話，開始時她說：「你好錫我呀」，又驚訝問：「你留意住我㗎啦，19歲嗰陣時？」，跟住說：「我當咗你喺我嘅人生導師同埋我嘅字典」、「因為你就係提點我嗰樣嘢，我就係話，每一次你都提點我」，然後是松哥指着她說：「你一定要有信心，你絕對有能力，Believe in Yourself！」
之後嘉欣老友鬼鬼搭着松哥膊，學着松哥說：「要相信自己係咪？」說完都忍不住大笑！松哥更鬼馬說：「唔係你唔相信自己，你要相信我！」說畢二人齊齊大笑。
