梁家輝《捕風追影》
梁家輝憑《捕風追影》再度入圍影帝，與《尋秦記》及《私家偵探》入圍的古天樂、《金童》張繼聰，及《像我這樣的愛情》陳家樂，齊角逐於第44屆香港電影金像獎最佳男主角。梁家輝說：「我啱啱收到消息，我入圍香港電影金像獎嘅最佳男主角，我心裏面最高興係聽到名單之後，原來我身邊所認識嘅友好，包括《風林火山》、《捕風追影》裏面演員都有入圍，覺得呢個係我最開心嘅一件事，作為演員能夠有作品入圍，獲得大家肯定係開心事。」
身在現場聽到公布名單的張繼聰回應：「好開心啊！頭先宣佈嗰一刻呢，其實內心都好激動，即係因為行到嚟呢一步，有咁樣嘅成績真係好唔容易。咁喺我心裏面最感動嘅地方係，因為呢個係成個團隊好多人嘅嘅努力，即係唔係得我一個就可以做到，係好多人奮不顧身去成就呢件事，諗起入面幫我手嘅團隊，每一位兄弟姊妹呢個心就好感恩。同埋，我都好開心積師傅（黃偉亮）同埋Ali (李佳芯）都有一齊提名，咁所以係非常之開心啊！我覺得呢件事真係好勵志，即係由Day 1準備呢套戲、到拍攝、到籌備上映、上映嘅時候遇到所有嘢都係勵志片，咁我覺得證明係勵志片喺市場上係有市場；喺人生上其實都係仲有勵志片嘅事情會發生，所以都好開心，人係應該保持正面嘅諗法、保持希望、保持熱情咁樣，所以好多謝好多謝大家對我嘅支持，我係完全收到晒！」
張繼聰
最佳女主角入圍名單包括：許恩怡《無名指》、陳法拉《贖夢》、廖子妤《像我這樣的愛情》、章子怡《醬園弄．懸案》及馬麗《水餃皇后》，陳法拉說：「事隔10年再返香港拍攝港產片，得到提名非常感動，很感激香港的同行及觀眾沒有忘記我，亦很感謝導演張家輝及監製鍾珍給我這次機會，還有感謝整個團隊令我的角色能夠這麼立體及豐富。」
陳法拉《贖夢》
今日（10日）64歲生日的杜德偉，於今屆香港電影金像獎憑《風林火山》入圍最佳男配角，火拼袁富華《水餃皇后》、黃又南《再見UFO》、林家熙《拼命三郎》及陳湛文《UFO離奇命案》。杜德偉說：「非常興奮，因為人生去到呢個階段，都仲有呢個第一次，自己從無諗過，《風林火山》推出時，好多人睇咗話我演嘅角色好突出，我好喜歡呢個角色，演得好開心，當人哋讚我做得好時，我只係盡咗力去做，真係冇諗過，心情好興奮，咁啱今日我生日，呢個消息對我嚟講，係好好生日禮物，現階段事業好大嘅鼓勵。」
