周啟生原定6月1日在廣州舉行《新專輯簽唱會暨生日粉絲見面會》，最貴票價為VVIP $1280（限50名額，贈送1張直刻CD專輯、簽名合影、慶功宴）、其餘分別為＄380、＄280、＄180，但在5月30日，主辦方發出通告，突然煞停。通告內容為：「非常遺憾地通知大家，因原定演出舞美設備出現故障，我司臨時調整了活動安排，故原計劃於2025年6月1日舉辦的《周啟生新專輯簽唱會暨生日粉絲見面會》將延期舉辦，具體時間待定。」公布會進行全額退款。
同日，《趙學而50+演唱會》佛山站主辦方亦發出公告，宣布原定6月21日在佛山南海體育館舉行的演出取消。公告指「經多方溝通和慎重考慮，審慎評估後，我們非常遺憾地宣布將本次演唱會取消舉行」，是次演出票價最高為人民幣＄1198（雙人合影票）、及人民幣$498、$398及$298，亦會作出全額退款服務。
面對演出突然被延期，周啟生在Facebook發帖解釋到內地演出的原因。
「有朋友問我：點解你要返國內做演出？
首先我要講，我係中國人，我從來都會喜歡我係中國人。我唱廣東歌，唱國語歌，唱俾中國人聽係最適合㗎！唔通我去唱俾俄羅斯人聽？只要有華人嘅地方，我都想去玩音樂表演。我覺得中國大陸嘅樂迷『懂欣賞音樂』。我向來強調玩『真音樂』！！
冇花臣，冇馬戲團，能夠表演音樂比一班欣賞真音樂嘅樂迷睇，如魚得水！我哋要感謝我少少一個Facebook page，亦聚集咗香港一班好高質素嘅樂迷。貴精而不貴多！我見到你哋好多嘅留言，都非常之有內容及見地。有你哋嘅支持同埋鼓勵，我只會向前，沒有最好，只會更好更好更加好！」
周啟生其後再發帖強調自己百分百愛國愛港
「我係一個香港仔！100%嘅香港仔！我姓周！我爸爸姓周！我講得清唔清楚？
PS：請不要斷章取義！我知香港係屬於中國嘅一部份，但係我喺香港出世，喺香港生活咗60幾年！
2024年我先後兩次公演黃河協奏曲。第二次係為特區慶祝國慶，獨擔大旗指揮80幾人管弦樂團合唱團，我係一個百分之百愛國愛港嘅人！
我愛香港！如果我連香港都唔愛，我有什麼資格愛國？男兒修身，齊家，治國，平天下！」
趙學而圖輯：
周啟生圖輯：
部份圖片來源：趙學而@facebook
