譚詠麟（校長）10場《「刻骨銘心」世界巡迴演唱會》昨晚（22日）來到最後一場，校長多次被歌迷熱情氣氛所感動，當唱完《一生中最愛》及《Don’t Say Goodbye》後，校長一度哽咽到講不出話來。到準備唱演唱會主題曲《我在意》時，校長看到為歌曲作詞的劉德華和李克勤在台下，即邀請他們上台說：「識唱嘅可以攞起埋支咪，唔識唱就企喺度等我唱畀你哋聽啦！」
台上校長再次答謝華仔和克勤為他度身訂造歌曲，又說：「我覺得呢隻都係代表佢哋心聲，對返佢哋自己嘅歌迷。」再望華仔說：「有朝一日你唱呢隻歌唔好喊添！」怎料反被華仔和克勤一唱一和，華仔說：「你陣間唔好喊呀！」克勤接着話：「我今日冇喊，我等你喊！」華仔說：「我代表全場所有人求你，你繼續唱啦！」此時全場觀眾起哄，華仔再說：「求吓你啦，我在意㗎！大家都在意㗎！」
接着校長跟華仔和克勤世紀合唱該曲，但唱到最後一句「見你面是緣最重要」時，校長再被現場氣氛感動，眼濕濕下哽咽演繹，令華仔也忍不住眼濕濕，還忍不住再說：「求吓你啦，真係求吓你啦！」
校長又回憶當年為華仔創作第一首歌曲《下雨晚上》，預告12月會去華仔演唱會做嘉賓親自演繹這歌。校長透露曾鼓勵華仔，要兼顧演員和歌手工作必需很勤力，「竟然佢係勤力過我！」華仔再搞笑謂：「咁你做乜事係最後一次啫，你努力啲啦！你睇吓幾時赢我嘛！」之後三人再合唱《朋友》一曲後，克勤臨落台前再搞笑說：「好早啫11點半，今晚唱耐啲唔怕啩，唱唔過12點唔似尾場，罰少少錢唔怕，華仔會俾！」華仔亦風騷答：「睇佢（校長）以後唱唔唱，佢以後唱我俾！」接着全場觀眾大叫「Alan」，場面相當感人！
校長之後演唱完《藝海浮台》一曲後，再度感觸哽咽。他又感動表示，自己的歌曲能承載着大家的青春及回憶，但可能已遺失或者遺忘，但趁着這次演唱會大家一齊打開這個「回憶保險箱」，「其實呢啲所有嘅片段都會一直保存喺心入面，喺呢度想用一隻歌，將大家嘅回憶片段，跟住我一句句唱出嚟，享受一下當時你哋青春嘅片刻。」接着校長唱出《愛在深秋》一曲，緊接再唱演唱會最後一首歌《講不出再見》，唱到尾聲時校長終忍不住流下男兒淚，最後還向全場送上飛吻，演唱會圓滿落幕。
完成10場演唱會後，校長在後台舉行記者會，問到在台上忍不住落淚時，校長表示這並非喊得最厲害一次，但坦承喊住唱有難度，「有眼淚好難keep到個key。」這次演唱會最令校長刻骨銘心，除了是外界反應熱烈外，事前的密集式排練亦令他相當難忘，「每朝10點前已經跑完有時幾公里，甚至10公里，下午2點練歌到6、7點，之後再排舞，全日時間冇晒，返到屋企連夢都發唔到就瞓着。」再談到即將舉行演唱會巡迴，校長笑言：「大家有時間去到咪睇囉！11月就喺馬來西亞舉行，香港應該唔會㗎啦！華仔同克勤係講笑啫！」
昨晚到場觀賞演唱會嘉賓，包括：劉德華、李克勤、肥媽Maria Cordero、黑妹李麗霞、狄波拉、陳友、樂易玲、苗僑偉戚美珍夫婦、陳海琪、陳百祥黃杏秀夫婦、余安安、譚玉瑛、張智霖袁詠儀夫婦、谷德昭、陳小春、陳國熹葉童夫婦、方力申、關楚耀、劉洋、李金凱等。
