由蘇韻姿離開無綫後，嘗試新挑戰，除了擔演舞台劇，亦跳槽到HOY TV主持綜藝節目《港式流行2》，她跟拍檔阮偉倫走訪香港不同的景點，包括深夜美食車、秘境酒吧、懷舊唐樓、城市綠洲，其中最叫蘇韻姿難忘，莫過於帶埋愛犬Otis首次同框演出。
點解Otis可以出境？好簡單，因為《港式流行2》其中一集是發掘香港的寵物餐廳，Otis做嘉賓主持囉，蘇韻姿大讚第一次出鏡的Otis非常乖，表現淡定，完全唔需要蘇韻姿勞氣，難怪蘇韻姿笑言Otis具有潛質成為「演藝界新星」。
她說：「今次拍攝最難忘係同自己嘅狗狗一齊出鏡，估唔到佢喺鏡頭前好乖，令整個拍攝好順利，我亦到好開心可以將工作同生活結合。」
蘇韻姿亦難忘在攝氏15度的低溫下，為節目到馬鞍山拍攝玩水上平衡板，冷得全身發抖，難以在板上保持平衡，狀甚惹笑。蘇韻姿在《港式流行2》中吃盡不少美食令人羨慕，但卻有副作用，就是拍攝節目後體重增加不少：「開拍節目之前條褲仲鬆，但後期就開始變緊。平日冇開工時，我都會抽時間做普拉提同瑜伽。」
蘇韻姿
早前完成舞台劇《我們的青春日誌》演出的蘇韻姿，透露正忙跟麥秋成、何遠東等合作主理兒童音樂劇課程。她謂：「我本身有教小朋友音樂劇，呢次擔任星級導師，負責教小朋友唱歌，希望透過呢個課程指導小朋友，令佢哋發揮天賦，我覺得好有意義，亦都好鍾意教導小朋友。」
