蔡卓妍（阿Sa）與容祖兒、關智斌三位老Best又再聚會，阿Sa今日（20日）在社交網，貼上三人坐在街上的長樓梯興奮合照，留言：「40+街『童』街頭慶祝關冠斌首奪Hyrox組別冠軍」，並接連公布好消息：「1）關冠斌9月19會喺廣州開演唱會添呀；2）容祖祖出咗新歌《等等等等》！真係等到頸都長！而家終於唔使再等；3）蔡卓Sa年底會同鍾欣嬌…（Oh! Solly! 唔講得住添）」！
阿Sa講啲唔講啲，引得一眾粉絲牙癢癢，因為Twins講了10年話想開Side Track演唱一直未成事，粉絲期待已久，剛好今年是Twins成軍25周年，早前阿Sa和阿嬌開Live，再有歌迷提及此事，阿Sa坦言好想開，但不想在大場搞，始終Side Track唱的不是大路歌，未必太多人有興趣看，屬意選址在約5,000人的細場舉行，希望與核心歌迷有更近距離的互動。
