張家輝、蒙嘉慧、鍾雪瑩、姜皓文、邱士縉等昨晚（13日）出席《我阿爹想旅行》首映禮。被問到若票房報捷，會有甚麼慶祝活動？張家輝笑說：「變捷就好搞啲，因為我哋中國人謙虛嘛」，他有信心票房一定會「變捷」！因為新片獲得不少正面評價及鼓勵，所以對票房極具信心。
被追問若票房突破8,000萬的話，會否特別慶祝？張家輝表示會入股開拍第二集，「夾份玩少少啦，因為呢套戲都好低成本，其實都好有限。」他再搞笑指約埋太太關詠荷及蒙嘉慧丈夫鄭伊健一齊「裸跑」，蒙嘉慧即問：「攞住啲咩嚟跑先？」家輝回應：「攞住張海報跑」。正當大家熱烈討論之時，蒙嘉慧擔心訪問時間過長，打算提醒大家「講返呢齣戲」，卻說出：「陣間被人哋X呀我哋」，令全場嘩然，她意識到講錯嘢，亦尷尬大笑，更正自己是說：「撩呀」，又指不應做壞榜樣，家輝幫忙解圍，再安慰她：「呢啲地道文化嚟啫，唔緊要！」
更多現場圖輯：
