林子祥與葉蒨文將於10月9日至13日，假紅館舉行一連五場的《白頭到老WE ARE ONE》演唱會，以往的演唱會，通常都是演出前一、兩個月才開始綵排，但阿Lam與沙麗早於6月已着手為是次演唱會綵排，他們說：「音樂部分對我哋好重要，而且有好多快歌，除咗要有足夠時間同band夾，仲要用多啲時間去排舞，所以希望早啲綵排，順便可以練氣，盡早執走歌曲上有嘅瑕疵！」一向以專業、自我要求高見稱的阿Lam與Sally，希望以完美的演出，呈現給支持他們多年的粉絲，感激他們一直的愛戴。
今次演唱會邀來趙增熹擔任音樂總監，加上一班行內著名的樂手伴奏，阿Lam與沙麗綵排時已經帶來極大的享受！沙麗在每次綵排都貼心地準備不同點心給樂隊及工作人員，包括蛋撻、新鮮出爐菠蘿包、茶葉蛋等，令到大家既有耳福又有口福！
不過，講到最驚喜的是其中一日綵排，阿Lam與沙麗的孫女林明現身band房探班。只得15個月的林明，聽到爺爺嫲嫲唱歌會手舞足蹈，拍子感很強！每當嫲嫲有空檔，她都會飛身撲到嫲嫲身上，要嫲嫲抱抱，非常可愛。
至於今次演唱會的rundown，全由阿Lam與沙麗負責編排，他們實在有太多膾炙人口的經典金曲，所以為了今次的歌單都絞盡腦汁，沙麗笑說：「要斷捨離先至出到份歌單，阿Lam有好多都係經典，加埋我嗰啲，真係好難揀。」他們還透露，因為想唱的歌曲實在太多，所以每一場唱的歌曲都會有少許不同，如果想聽晒他們所有經典，可能要買晒五場門票！
