莫文蔚於12月在啟德主場館舉行《莫文蔚 THE BIG BIG SHOW大秀一場香港站「家場」限定版》，昨日（3日）舉行發布會，同時宣布推出限定樂隊「Karen Mok & The Masters」限量黑膠唱片。Karen去年6月於北京鳥巢展開巡唱首站，巡迴12站之後，好想回港開騷，她強調每站均只演一場，「『大秀一場』全部不加場，只演一場，比喻人生都只是一場，每場都獨一無二，無可取代。」
Karen曾經到啟德主場館睇騷及球賽，覺得場地好正，「今次相信是尾場，來到第13場，差不多最大的場館都用過晒。舞台一定要很大的場地才做到，如果在紅館就做不到，個舞台根本入唔到去」。她透露香港站除了會有好多廣東歌及有香港青年樂團助陣之外，亦會邀請香港著名時裝設計師打造戰衣，「當中會有閃爆水晶衫，又要騷身材又閃，每件衫都畀大家睇晒，好性感，無辦法啦，因為我身材正。」
更多現場圖輯：
