她表示每日都練歌練舞，笑言平時一落牀即瞓，依家就搞到冇覺好瞓，一上牀瞓就諗起歌詞，除了家人及劉緯民任嘉賓外，她表示其他嘉賓暫時不便透露，主要想請入行以來的朋友，特別會找當年佳視合作的藝人，她更笑言：「其實如果每一位都想唱又不可以，可能因為唱得麻麻，所以都會考慮一齊合唱。」
問到會否家族合唱？姨甥徐偉棟有自薦嗎？米雪說：「由細到大佢都係沖涼唱歌，相信大家沖涼時都會唱，呢行大家都張張刀，利唔利一件事，不過佢一直都有彈結他，有時偷偷經過他房門外聽佢唱歌，都唔錯，而雪梨向來都有唱，成日喺屋企大大聲唱。」
雪梨表示主要是自己喜歡唱歌，「咪霸就稱唔上，只係喜歡唱歌，呢排都有唱酒樓騷，所以一直都有練開，大家聽我唱歌都好開心！（台上會爆家姐米雪私事？）一直都係佢開工、我收工，我開工、佢又收工，所以佢有咩秘密，我都唔知，無可奉告！至於屋企秘密，主要係佢會日哦夜哦我，佢仲當我7、8歲細路女，我自己試過反抗，不過事後諗起其實她都因為錫我，所以我會氹返佢，因為最後係我發脾氣。」身邊的米雪即表示冇所謂，很多時候大家講完就算，家家戶戶都會發生同樣事情。
更多現場圖輯：
