李佳芯、謝寧今日（6日）出席「童心蝶舞・愛焙同行」蝴蝶酥製作活動，李佳芯表示開心可以參與有意義的活動，「對佢哋係好大支持，今次可以同咁多位媽媽一齊整餅都好有意義，我第一次嚟呢個地方，一陣都會參觀，一入到嚟好溫暖，好有屋企感覺，無論經濟或精神對佢哋都有好大幫助，希望大家都可以開心同堅強，遇到幾唔如意嘅事都好，大家都可以一齊行落去。」
正式宣布離巢後，李佳芯將與老拍檔黎諾懿合作拍攝馬來西亞新劇《義和》，此劇不但是李佳芯離開TVB後的首部戲劇作品，更是兩人自《BB來了》後再度合作，「暫時收到分場，但細節未落實，今次有江湖背景，比較嚴肅，所以要攞自己另一面出嚟，幾時有機會拍劇都係我首選。」
回復自由身後，更多自主權，「現在成立工作室後，主導性多，以前好幸福，因為自己要完成一個工作，需要處理好多步驟，發覺每個工作都不易，但主導權多咗，但開心，之前已經夾開一班人，一嚟就打仗，雖然好多嘢要摸索，但過程係開心，希望有更多可能性。」
更多現場圖輯：
