一班好朋友可以一齊出遊真係好開心。
胡定欣日前放閃與醫生老公陳健華遊西班牙，強調15年前一個人去，今年就有另一半＋村民們一齊去，不過她只放上昔日獨遊，及今次有老公陪的合照。今日（17日）定欣終於揭盅「村民們」，包括有單立文與胡蓓蔚，及陳山聰夫婦三Pair人一齊旅遊照。
定欣留言：「村民們相識咁耐，唔計一齊出Trip做嘢，今次第一次一齊去旅行，來個西葡遊！話說上年年尾，知道航空公司有優惠Plan，突發話不如村民一齊去旅行，跟住就既即刻商量幾時出發，去幾耐去邊度，即刻上網買機票，要確認所有人都有機位，要對晒啲位係可以一齊坐，對齊資料以免買錯，當刻有人岀緊街去玩，邊行邊買，好急好癲」。
正如胡蓓蔚留言話齋：「開心到癲咗」，成雙成對去旅行冇人落單最開心，不少都是6個人齊齊整整加埋靚景一齊影，有美食又有美酒，定欣續謂：「真係影咗好多相sssss，多到唔知點post，就揀呢幾張記錄一下，HAPPY TRIP」！不過單立文就留言「投訴」定欣：「你話過唔po呢張相㗎」？但遭定欣反指：「你年紀大記錯」，但沒表明是哪一張，難道是三個人夫的合照，當中單立文正敷面膜的一張？
胡定欣最後仲同袁偉豪及張寶兒說下次一齊去，看來袁偉豪夫婦要湊仔分身不暇了！
