陳山聰囝囝Jaco自BB時期開始，每次見到胡定欣都黑面，但定欣從不放棄，努力了5年，定欣昨晚（22日）在社交網曬照及片段，宣布已跟Jaco破冰。照片中Jaco用手仔捏定欣面珠，又握定欣下巴，片段中定欣用BB話跟Jaco互動，有講有笑變老Best，但都大聲唔過老竇陳山聰同朋友傾偈，有網民笑指：「哦，我聽到陳山聰講粗口」。
定欣留言：「全個地球最肯定嘅關係～～～好抱歉今日呢條片令你哋失望，好知道呢條片一定好少LIKE，好開心3個鐘之後佢終於同我互動」，疑似山聰幫囝囝留言問：「其實大家真係唔知我哋嘅關係」？定欣豪不介意回應：「哈！咪就係知道你REJECT我囉」，有網民就話「建議post埋中間嗰三個鐘嘅過程」。
