LoLo亦提到曾問父親有沒有母親的相片，他說：「佢話有，但都冇比我睇過。我的音樂路上、如有媽媽陪伴係好好的事。可惜我未見過佢。每人有遺憾，我最遺憾係我唔知我媽媽係邊個。」
LoLo與太太唐書琛是恩愛夫妻，演唱會上亦分享了他們的錄音聲帶，他指自己人生中最proud是養活了太太，寫新歌《陪着我走》時喊得很厲害。因為太太從未跟他講過一句「I love You」。LoLo指自己與太太也不是浪漫的人，他的浪漫放在音樂中，太太的浪漫則放在歌詞中。
演唱會尾聲，LoLo唱出《陪著你走》，他感謝大家由1983年開始，陪著他走到今天。LoLo說：「一個作曲人，係想大家唱返比我聽，你哋唱大聲啲，最後一次喇！」全場觀眾齊跟LoLo大合唱，加上手機燈海，場面感人。
Encore環節，LoLo唱出《但願人長久》，他感觸地說：「多謝你哋！好開心！多謝你地俾我人生一個畢業證書，多謝紅館呢個場地，今晚係我最開心的一晚。」最後，LoLo唱出《Sing Till The Morning》，他說：「我的音樂人生由呢首歌開胎，我亦以呢首歌，為我紅館最後一次演出畫上句號。」LoLo與樂手們，以及太太唐書琛齊在台上向觀眾鞠躬致謝。
演唱會後，LoLo與太太、主辦及樂隊們齊出席祝酒儀式。提到最難忘時刻，LoLo說：「一定係大家一齊唱《陪著你走》，有九千人唱比你聽，呢個係人生中最大成績表。」盧太唐書琛表示這晚變成了LoLo的小歌迷，她甜絲絲的說：「我有個咁有音樂才華嘅老公，又幾靚仔。雖然冇乜頭髮都幾型吖！我哋兩個結婚咁多年，有經過風風雨雨，好開心我哋可以一齊創作，好欣賞佢嘅才華，能夠做到佢老婆，係緣份。」LoLo笑說：「我從未聽過佢講咁多說話係關於我呀！」之後LoLo在媒體們起哄下，錫了太太手背兩啖。溫馨又甜蜜。
尾場有不少圈中人捧場，包括徐克、杜琪峯、李光耀、許誠毅、金燕玲、蘇施黃、李幸倪、Rubberband及Alan Po等。
