洪永城（Tony）老婆梁諾妍（Inez）愛跑步，佗B都照跑，Tony亦自爆當年跑步為追老婆。雖然兩個女似足老竇一家都是Sir Face，但運動細胞卻遺傳自阿媽。
Tony今日在社交上載，跟兩個寶貝女享親子樂的歡樂時光，留言：「星期日常。問阿妹想做啲咩？佢話淨系想跑。為何生女，都要咁多體力嘅？你哋啲女，有冇都係過分活力充沛？」
片段中Tony降服家姊Amber在地上，阿妹Berly跑去咬老竇Pat Pat救家姊，再喪跑逃離Tony追捕，兩姊妹會合後，另一條片見到Tony趴在地上，兩姊妹騎在老竇背上盡情跳跳拍拍；然後一條阿妹逃不掉被阿爸抱起，家姊即來營救阿妹的片段，姊妹情深。
網民話睇得「開心呀」！亦有謂：「珍惜佢仲要你陪佢玩，眨眼就大個，唔使你陪了」！
