洪永城、陳懿德、甄敏芳、陳定幫今日（9日）出席玄戰「全球招募 最後召集 」記者會，洪永城在台上問到師傅幾時先可以追到個仔，湊個好字，師傅直言要追到第四個先有機會生仔，令洪永城不得不承認女人比較旺他，更笑說：「不過我結紮咗都唔再生」，他說：「暫時真係未有再生嘅意慾，目前有兩個女已好幸福，我亦好滿足，其實養兩個女已令我破產，再生我真係唔知點生存，不過如果再有機會生仔或女，我都會好開心，但最好似媽咪會好啲，因為靚女啲。」
台上玄學師傅大爆陳懿德身邊姻緣屬靚仔及踏實，家境不錯，令大家即譁然，聯想到緋聞男友羅天宇，受訪時她說：「聽到靚仔梗係開心喇，講得中唔中我就唔知，佢又無講係邊個，但師傅指係姻緣，我都唔敢再追問，我怕羞，希望姻緣帶旺事業，都係桃花嘅一種。」
更多現場圖輯：
