泳兒（Vincy）今日（6日）推出全新單曲《計劃書》，歌曲可謂「最治癒心靈之作」，記錄了Vincy在人生低谷中的深刻體悟，原來背後隱藏着一段不為人知的抑鬱歷程。Vincy首度剖白錄音期間深陷情緒低谷，更坦言：「嗰段時間差唔多每日都喊緊！」
Vincy透露開始籌備新歌時，正值人生一段艱難時期，「每日個腦都徘徊緊自己去到人生呢一個階段，望一望過去，然後再諗一諗將來，開始有種徬徨同埋對未來有一種不安！好想去改變，但同時亦都有一種無力感，覺得冇能力去改變。I feel stucked and冇方向，亦都好自責自己，點解唔規劃好啲自己個人生呢？」
正當Vincy陷入自我懷疑時，Wyman交來的歌詞成為情緒出口，「第一眼見到『追得上改變 趕得上改變 你我沒法逆天 這一生邊擁抱改變 邊抵抗改變 亂掉時間線』呢幾句，我決定與其好用力去嘗試改變環境，不如首先試下改變下自己個心態同思維，去接觸呢個不穩定世界，慢慢重新再行返出嚟，可能已經係另一個感受。」經過這段黑暗期，Vincy終於明白：「Nothing is under control，有時反而你唔太執著於規劃，可能有意外驚喜，唔係話100% free flow，係要有少少計劃嘅，盡力做囉！盡量做囉，即使好攰。」Vincy又謂正實行歌詞「過好手裏的這天」，「放鬆心情去行，當計劃不似預期都唔好太執著，可能就係最好嘅計劃書。」
