江美儀兩年前拍攝TVB節目《一個好人》，早前她在節目中合作的遭滅蟲義工阿臣（陳家駱）發文，指控她「做騷」，遲到早退兼態度高冷，並指江美儀當天僅完成2%工作。一直希望低調處理的江美儀最終受不了對方「窮追猛打」，事隔兩星期，才受訪網台節目《沖出黎傾》訪問，逐一反擊阿臣的指控。
江美儀在節目中坦言，本身不打算回應風波：「因為好多前輩及朋友都話：『算啦！謠言止於智者！你唔講件事就會慢慢丟淡。』但我發覺有啲節目工作人員，或者我身邊朋友，佢哋嘗試去講呢件事，講番拍攝情況同我哋日常一啲操作，都畀人狙擊，幕後係冇必要成個名出晒，出完後會畀傳媒狙擊，或畀對方鬧，我覺得：如果我唔出聲，好似對呢班朋友及工作人員唔公平。」她再強調本身不想回應事件：「但發覺原來唔係想像中嗰種『謠言止於智者』，好似重複又重複，不如藉呢個機會講一次，究竟當天發生乜嘢事。」
談到被指控「幾宗罪」，包括遲到早退，態度高冷等，江美儀強調絕對沒有遲到，並拿出拍攝時間表反擊，證實當天上午9時至9時45分，屬於攝製隊於對方公司訪問，而江美儀個人通告時間則為下午2時至5時，所以她當天上午不需要出現。
至於被指僅完成2%工作，江美儀也澄清：「我只係接到一個Job，去做《一個好人》主持人，主持人嘅工作係乜呢？介紹喺香港有一班義工朋友，佢哋係無私為貧富大眾及低收入家庭提供義務服務。」她表示身分是主持而非義工，她當天需體驗操作蒸氣機，同時她也沒收到導演指示，稱「要清潔完才能走」：「至於係咪要清潔晒呢？我唔會知道，因為我諗係佢同屋主之間嘅協議，所以我唔認為『只係做騷』，拍兩個鏡頭就走嘅指控。」
對於被指假藝人、假義工、假善心，問到是否一種網絡欺凌？江美儀說：「我喺網上搵到4個字，好形容到我𠵱家心情，我覺得自己被『名譽謀殺』，我覺得佢哋直情係殺咗我，因為冇人Care究竟件事點樣，只係信一面講，跟住每日打開媒體，不斷有人鬧你，而你知道佢哋鬧嘅原因，其實係佢哋唔明白，唔知道事件全部，我覺得呢個係一個欺凌。」
事件最初江美儀只透過簡信回覆傳媒：「唔係事實嘅嘢，唔回應啦，多謝！」之後再在社交平台隔空反擊：「橫眉冷對千夫指，俯首甘為孺子牛」，表明不妥協態度，但風波沒因而平息，還被對方不斷發文「狙擊」，令江美儀隨後出席公開活動，都表明不受訪。
