劉倬昕七情上面、聲淚俱下否認推小朋友落街。
律政劇《正義女神》昨晚（30日）在翡翠台首播，「減齡」近10年演14歲少年犯，並反串男生的新生代演員劉倬昕在「高成彬天台殺人案」，先後展現了無辜＋無力、愧疚及極痛，以及極致邪惡三種各走極端的情緒，贏盡網民正評。
劉倬昕坦言法庭自辯爆喊戲對她來說是大挑戰：「我本身係好難先會喊嘅人，所以我收到劇本後諗到一個方法，就係擴張鼻孔，感覺好似易喊啲。但去到現場都係要靠進入個角色，先做到嗰個『委屈』感覺。」還感謝佘詩曼幫助她進入狀態：「阿佘教我試吓想像親眼見到個小朋友跌咗落街嗰種無助感，佢仲即場示範畀我睇點樣做，佢真係做到眼濕濕。」
劉倬昕向文頌嫻說「我係故意」，劉倬昕的邪笑令人心寒。
在劇中演痛失愛子的單親媽咪蘇麗慈的文頌嫻（文女），以近乎素顏及憔悴無力的狀態現身法庭，並空洞地憶述案發當日自己的所見所聞；無論是現場目擊兒子飛墮地面的深切驚恐感；在庭上聲音欠缺靈魂、強忍內心強大悲痛的狀態；在庭外呼天搶地亂認兒子的崩潰；或是到最後得悉遭兇手挑釁、瞬間崩潰的歇斯底里；再加上事發前文女對着劇中囝囝（黃梓曜飾）所散發出來的溫柔，種種加起來令觀眾及網民都深切感受到蘇麗慈的喪子之痛，大讚文女好戲。
文頌嫻跪在地上呼天搶地，完美演繹喪子之痛。
至於文女好姊妹阿佘，她的眼鏡Look裁判官更獲激讚Carry得好好，並搞笑獲封「眼鏡佘」。阿佘受訪時透露劇集總監製鍾澍佳指若她戴眼鏡演出，打燈會較麻煩，並難免要犧牲靚樣，而阿佘考慮了一日後的回應是：「我決定犧牲， 因為我真係想有個全新感覺畀觀眾。」阿佘續指為了效果、親身試了近百副不同款式眼鏡：「我自己去試，因為要親身戴上去先知好唔好睇，我記得都試咗幾十至一百副。」
阿佘的「眼鏡娘」造型充滿睿智魅力。
