Sucy痛苦到喊。
李璨琛太太梁志瑩（Sohpia）為大女李元元（Lucy）開設社交帳號多年，Lucy早已成為「香港最年輕KOL」，網民亦一直看着她和妹妹Sucy成長。近日Sophia分享Sucy「便秘中」的多張囉囉攣，痛苦到掛住兩大滴淚的淒涼照。
一向愛錫妹妹的Lucy，想出一個方法教妹妹，Sophia留言：「原來佢係畫咗個instruction（指示），然後聲音導航叫阿妹用力屙，嚿屎就會屙到出嚟」！李老母直謂：「雖然呢個方法擺明唔work，而大家亦見到阿妹個樣係吊住幾滴汗（無奈）兼表示唔『東』意，不過我真係好欣賞家姐嘅一番好意。這是真愛」！
家姐呢個手畫指示好有愛。
網民都大讚Lucy好有愛：「家姐真係好好，好可愛」、「呢個指示好好」；不少網民亦有提議不同方法給阿妹，並讚Sucy：「屙唔出屎喊個樣都咁靚」、「會唔會太得意」等。
