李璨琛的7歲大女李元元（Lucy）繼早前在演奏會上，跟現場一班管弦樂團樂手，以鋼琴合奏一曲後，剛升上小一的Lucy，近日在學校的活動上更擔任小司儀。媽咪梁志瑩（Sophia）在社交網曬照，並上載Lucy手拿Cue卡淡定講英文，最可愛是她還向身旁掛住打招呼的男伴司儀提示一起落台。
Sophia留言：「個個都問我有冇去睇謝霆鋒，同晚偉大嘅老母揀咗去睇LU仔做小司儀。睇住LU仔成個波咁碌上台講嘢，然後因為佢係永恆嘅氣氛製造者，所以被學校安排咗做獻花小子，除咗上台講嘢仲要無限輪迴上台獻花8次，台下觀眾見到佢同小小男伴司儀一齊碌上台獻花，大家都覺得佢哋真係好cutecute好得意，睇得好開心。 #睇個女獻花都覺得好睇過謝霆鋒演唱會 #老母係咪有病 #好鍾意最後嗰幕佢提個男伴 #喂你好快啲落台唔好掛住打招呼啦」！
網民大讚：「好醒目，好叻女，仲要拍一拍拍檔仔一齊落台」、「Lulu能歌善舞，彈琴，做話劇，連司儀都做埋，瓣瓣都掂」；有網民笑指男伴司儀是男朋友，Sophia也很喜歡對方：「佢個男同學仔超級得意」。
