在施明喪禮上，李家鼎容顏憔悴，身形消瘦，又發生大孖李泳漢拒絕弟媳步入靈堂，堅持母親施明生前沒有承認過對方是新抱，出現「死無對證」說法，在纓雄宴後，大孖更指鼎爺與細孖泳豪沒有為喪禮出過一毫子。現年81歲的李家鼎接受傳媒訪問，他表示要公開交代細孖泳豪是其執行人，會託付他代辦所有事情，包括錢銀，「我而家身體唔好，有啲嘢都唔方便做到，包括交租等，都要細仔幫我做。」鼎爺以防他朝百年歸老，大孖泳漢會講出另一套說法，再次出現「死無對證」的情況，「我完全肯定由細仔為我交代嘅嘢先係啱，大仔講嘅完全錯。」
鼎爺再次否認大孖稱細孖謀家產及操控父親的指控，「無無無，無啲咁嘅嘢！」鼎爺又為泳豪太太Agnes平反，讚賞她幫了好多忙，連日來為鼎爺奔走，而鼎爺因傷心過度，茶飯不思，泳豪與Agnes更每日探望，「細新抱對我真係好好，餵我食飯，細仔點攰，都會攞飯嚟俾我。」
鼎爺透露施明晚年由大仔掌控，為了要前妻活得安好，鼎爺被迫妥協，供養大孖一家，除了每月至少俾五萬元生活費，又擔起三個孫及施明的醫療開支。對於大孖指母親死後兩日才通知鼎爺，更說出：「我搞好晒先同佢講有乜問題！」鼎爺怒斥他「講大話」，實情是在施明逝世10日後，即3月31日媒體在凌晨12點，率先報導死訊前一刻，才被告知噩耗。鼎爺激動說︰「通知我之前仲問我攞咗筆錢，跟住隔咗陣先話俾我知佢媽咪走咗，我嬲到跳起。」大孖當時以要為母親交醫院費作為攞錢理由，當鼎爺知道死訊後追問：「點解而家先講？」大孖表示怕他接受唔到，「我話有冇搞錯，呢啲早唔講，正X街，你係咪人呀！」
鼎爺表示每次大孖向他索錢，只憑他口講，從來沒有出示單據，有時今日要3萬，過兩日又攞4萬，然後又要5萬，「總之一睇銀行月結單，自己都睇到腳軟……」鼎爺指大孖與太太Conny在苛索金錢方面拍住上，「佢講唔掂我就搵個老婆，老婆都講唔掂我，佢就死𦧲，佢搵個老母做扶手棍。」
鼎爺晚年憑《阿爺廚房》走紅，帶來可觀財富，但多年來被大孖夫婦榨乾榨淨，問到可有積蓄安享晚年？鼎爺嘆謂︰「無晒喇！」鼎爺輕嘆指現在有得做就一定要做，「以前一向係人哋搵我借錢，而家衰到問人借返轉頭。」
施明離世，對鼎爺打擊好大，「我晚晚都喊……我對佢無憾，佢只係俾大仔胡塗咗佢……」鼎爺表示不想再見到大孖夫婦，先前由他出錢聘請兩名外傭，分別照顧施明及大孖一家，所以會安排終止外傭合約，「而家唔關我事，佢自己搞掂。」
更多圖輯：
