74歲的藝人施明因肺炎離世，兒子李泳漢至今仍未能接受，更哽咽表示：「我仲想同佢走埋落去，唔係想送佢最後一程。」。
李泳漢接受傳媒詢問母親離世消息時，他在憶述施明最後一次入院時已泣不成聲，他說媽媽一直有Keep住去醫院例行檢查，近年都冇咩大問題，通常住幾日就可以出院，今次入院因為有少少血壓高！「我記得佢走前大約一星期左右，突然接到醫院打電話嚟，話佢嘔嘅時候，啲嘔吐物落咗個肺，搞到含氧度好低，要即時插喉幫助呼吸，如果唔係就抖唔到氣……其後情況都一直好穩定，仲以為可以好快甩咗條喉返屋企……點知……嗰日清晨突然接到醫院電話，話我阿媽唔得、搶救緊，叫我快啲趕去醫院，結果去到佢已經走咗，我連最後一面都見唔到。」
