朱智賢今日（9日）在社交平台發布帖文，黑底白字寫著：「慎入」，當掃入去，見到兩張自拍凸肚照，霎時令人感到錯愕，因為自與拍拖多年的前度謝東閔分手後，未聞她有新戀情，卻突然「大肚」？
朱朱表示有秘密分享：「講個秘密俾大家知，其實……我個肚腩真係好大，『形象自毁系列』，喺大家眼中我不嬲都係一個好瘦嘅女仔，因為我手腳都係比較纖幼，但係其實無論我幾瘦，都係會有個肚腩喺度（唔會有人show個肚腩出嚟俾人睇㗎嘛，所以平時你哋咪唔覺囉）。」她續說：「呢樣嘢都困擾咗我好耐，因為我實在太過鍾意食嘢，尤其係甜品同曲奇。」
她不惜「揭開個肚皮俾人睇」，原來疑似想賣廣告，「最近我試咗一隻好work嘅嘢，下星期再同大家介紹。」朱朱最後加上標籤：「#其實真係好誇張 #望吓背景真係冇執相 #原圖直出 #我都以為自己有咗 #我自己都覺得好恐怖」
更多圖輯：
圖片來源：朱智賢@instagram
