鄭秀文接受文雋YouTube頻道《講呢啲 講嗰啲》訪問，談及Sammi在接拍由王安憶小說改編、關錦鵬執導的電影《長恨歌》（2005）後，經歷了人生及事業低潮，Sammi回望過去，指當時接拍這齣電影，雖然抱著勇於嘗試及接受挑戰的心態，但原來並沒有十足把握，甚至帶著少少對自己的懷疑去做，最終呈現出來的作品並不理想，自覺要負上最大責任，「自以為ready好可以去做，但原來未ready好，當時情緒亦出現好大毛病，整部戲都在一個好辛苦的狀態下完成。」
這次經歷之後，Sammi沉澱了很久，她自言當一個人去到最低處，會有好多反省，包括待人接物及對人生的反省，「當你會反省，會知道有好多嘢可以處理得更好，包括人際關係及與人溝通的方式，我並非一個好囂張嘅人，不過，有時表達方式會好硬，言語上容易令人覺得唔舒服，一個挫折之後，會令自己有好多反省，我覺得呢個挫折係好，從而令人長大及進步。」
Sammi與劉德華曾合演電影《瘦身男女》（2001），拍攝過程好辛苦，因為每次開工要花兩、三小時化裝成肥仔、肥妹，她慶幸有華仔做拍檔，感覺一起同行好有力量，她銘記華仔的話：「當嗰件事係你自己選擇去做嘅時候，所有嘢你都會心甘情願」，Sammi非常認同華仔所講，「當嗰件事係你自己選擇，你會眼中有光去完成目標，完全唔係咬住牙關，而係享受住痛苦去做。」
更多圖輯：
