張達倫與老婆陳鳳玲（Kimmy）結婚10周年（錫婚），他專誠返澳洲與妻兒慶祝，並在社交網上載與囝囝到花店買花片段。張達倫表示，10周年結婚紀念，原本想給老婆一個浪漫驚喜，但卻變成「驚嚇」！他留言：「明明喺澳洲花店見到佢圓咕嚕、粉紅色好靚，以為係咩特別品種嘅繡球花，點知睇真啲……原來係菊花嚟㗎？！買嗰陣個鬼佬實心諗呢個唐人搞邊科。奉勸各位人夫，買花之前真係要用 Google Image查清楚先，唔好信自己對眼…… 各位，你哋覺得我今晚使唔使瞓梳化？有咩極速補鑊方法？在線等，急！」
片段中張達倫先扁嘴說：「點樣喺一分鐘之內，可以摧毁咗我同老婆10周年結婚紀念日，一個咁浪漫一日嘅氣氛呢，大家一定要睇我呢條片啊！」條片就係，Kimmy開開心心迎上他拿着的一束鮮花，但一看竟然是白菊花，惟有強顏歡笑。張達倫竟然卸責說：「你個仔揀㗎！」片段返回案發現場，細仔張凱碩（Zachary）原本揀了一小束玫瑰，爸爸都應承就揀這束，但鏡頭一轉，張達倫拿着已包紥好的菊花說：「最後揀咗呢個！」
張達倫最終沒交代要否瞓梳化，但太太Kimmy就貼上用花樽插好這束白菊花的照片，留言：「好似繡球花嘅菊花，10周年紀念快樂！」
