片段開始是兩兄弟一見面，就已經四手互握，學友問家輝：「點呀你，好似好緊張咁！因為知道劉德華嚟咗，好緊張呀？」家輝笑說：「點會啫！」然後雙手係咁摸學友的腹肌：「好似實實淨淨咁樣！」學友答他：「我有做Gym㗎，我一個禮拜做一次。」
鏡頭一轉，家輝對住另一位嘉賓陳奕迅（Eason）說：「我嚟插科打諢咋嘛！」Eason搭膊鼓勵家輝：「你係專業歌手嚟㗎，你係出過唱片嘅歌手，你知唔知呀！」Eason愈講愈肉緊，按住家輝肩膊係咁搖。
終於劉德華到場，先來跟家輝擁抱，家輝問華仔知否他會唱《忘情水》？華仔話：「我知呀，你阿哥（張學友）話咗俾我聽啦！」
片段同場加映「Pantry吹水時間」，家輝重提Eason擔任金像獎頒獎嘉賓時，在台上清唱幾句就被馮德倫Cut走他：「得啦得啦，好聽啦，我哋頒獎啦」的一幕，家輝對Eason說：「Cut得早得滯，下次我就話佢㗎見到就！」
