廖子妤以一身純白色通花長裙亮相時裝品牌活動，完美演繹了 Modern Parisian chic 的優雅魅力；憑《像我這樣的愛情》入圍金像獎最佳女主角的廖子妤，正為下月舉行的頒獎禮選擇戰衣，揚言要艷壓群芳奪「最佳衣著獎」的她說：「我每一年度，無論係頒獎嘉賓好啦，又或者係有份提名都好，我都會好希望係靚嘅。我好想攞『最佳衣著獎』啊！依家開始度緊啲多謝感言，即係萬一咁好彩可以得到呢個獎，我都有好多人要多謝！上次喺香港電影評論學會頒獎嘅時候，我嗰時其實係冇準備到嘅。如果嚟緊再得獎，我一定會發台瘟。我由幼稚園第一次上台，即係扮太陽花嘅時候，我已經發緊台瘟喇，但唔知點解我都係依然好愛表演，同埋好愛上台嘅。」
同場出席的嘉賓還有趙君瑜（Angelina）、Elka@LollyTalk、林千渟、黎紀君（Christy＿等；開始單飛的Elka@LollyTalk表示現時成員各有各忙，這天佢仲自爆屬購物狂。家中衣櫃已「打爆」：「因為我而我搬咗新屋，已經係打爆到我真係買唔到衫㗎喇。因為有好多衫只著過一次，已經唔係好想著，而且 keep 住想買一啲新衫！」佢表示過往LT形象百變，現「單飛」可以已變新形像：「我諗任今年試吓長頭髮，因為出道4年都保持短髮，早前工作駁髮發現效果不錯！」
而趙君瑜剛由「試當真」轉會到古天樂旗下，之前過新年時已向「新老闆」拜年逗大利市，但一瞬間已「反輸」：「我哋玩『射龍門』，其實古生已經好錫住我哋玩㗎喇，但我都輸咗。但唔緊要，都係玩開心啫。」Angelin 表示現階段適應新公司，希望以演員方面發展。
