馮德倫（Stephen）創立的原創動漫IP「Bucket man」面世僅一年，已從實體形象化身為音樂項目「Bucket man zero」。他親自獻唱新曲《屢戰屢敗又怎樣》，更邀得著名攝影師夏永康（Wing Shya）執導MV，作品於本月5日正式首播。
昨日（7日），Stephen在社交平台上載一條搞笑短片，驚喜迎來老友陳奕迅（Eason）客串演出。片段以Stephen經典處境劇《老馮日記》的幽默手法拍攝，講述Eason專注試唱新歌之際，Stephen在旁偷偷錄音，意圖將對方的靚聲混入自己的作品中。兩人一唱一和，火花四濺，令不少網民笑翻，更有人大讚Eason「是被歌唱事業耽誤的影帝」。
在 Instagram 查看這則貼文
短片一出即引來熱烈迴響，連太太舒淇也留言追問：「老馮日記2幾時拍呢？」Stephen機智回應：「等緊你檔期。」圈中好友徐濠縈、張繼聰、周柏豪紛紛點讚支持，舊拍檔雷頌德（Mark Lui）留下笑臉表情符號，Stephen即趁機追歌：「唔好齋笑，快啲寫歌。」Mark搞笑回覆：「我要寫快過你唱。」Stephen隨即投降：「我投降！」
對於網民力推重拍《老馮日記》，Stephen昨晚認真發文請教：「其實好感激大家對《老馮日記》嘅厚愛，再拍我真係諗咗好多年，橋都諗咗好多。唯一未諗到就係應該用乜渠道發。都知道當下嘅年輕人可能已經冇耐性睇咁長嘅一集。用短視頻係可以work嘅，但係又點樣營利呢？真係請教吓大家。認真問題（但係我啲回覆未必認真）。」短短數小時引來數百網民獻計，大讚他是「最緊貼潮流的導演」。
談及找Eason拍片的緣起，Stephen笑言純屬突發構思：「有一晚我約咗Eason去我屋企食飯，我話畀佢聽有呢隻歌，佢就口噏噏喺度唱，我心諗唱得咁好聽㗎！個靈感係嚟自呢度，偷錄嗰啲係加落去玩嘅，令成件事幽默啲。我好感謝佢肯陪我玩，非常感激佢。」
新歌《屢戰屢敗又怎樣》MV由Wing Shya操刀，Stephen在鏡頭前彈結他，大賣男神氣質。他感慨道：「今次嘅感受同以前出道時好唔同，當時會好感恩有機會去做，而家自己去做，冇咁多制肘，有自由去處理。搵到Wing去導演MV，一諗起就知道風格上好正啦！」
「Bucket man」象徵堅韌不拔與無限潛力，Stephen希望新歌能傳遞正能量：「其實而家社會呢個階段都幾辛苦，歌詞同畫面可以表達到時下人嘅辛苦同經歷，加上係好勵志、好正面嘅嘢，我好喜歡咁做。」
