郭珮文
《女神配對計劃2》本周日（27日）播出的第四集，五位女神何沛珈（Roxanne）、阮嘉敏（Mandy）、陳若思（Amber）、俞可程（Kanis）及郭珮文（Juliana）將與16位成功晉級的求愛勇者，進入集合傾偈、了解、競技，既刺激又好玩的五角枱淘汰環節！
由於每位女神都有不止一位心意相通的求愛勇者，但偏偏各人在五角枱的「飯腳」位置只有一位，所以在五角枱環節正式開始前，女神需與各自的閨密溝通如何在現時的心意相通配對人選中，挑選自己專屬的五角枱首輪「飯腳」。
製作組今日（25日）曝光了五位女神五角枱首輪Welcome Drink部分「飯腳」，令人意外的是，被認為坐定粒六爭奪阿Ju芳心的前度俞鋆瑞（Ice），竟不是阿Ju之選，而一切竟是阿Ju閨密鄧凱文（Eris）的如意算盤，Eris：「覺得可以試吓Kyle（李爾晨）先，因為你同Ice出過好多次街」、 「同可以睇佢（Ice）反應。」Ju聽到這裏即開心大叫：「吖！」Eris見狀亦興奮接話：「呢個係重點。」
對於阿Ju與Kyle這係新鮮配搭，其他女神似乎極Buy，其中Amber更直頭扯行紅線玩撮合！事緣，以一身極性感低胸晚裝亮相的阿Ju，與同為I人的Kyle在五角枱首度碰頭時怕怕醜醜，但仍落力吓圖打開話題，不過Kyle的一句：「你嗰幾日點呀？」卻尷到令同枱的Amber及Roxanne笑爆嘴，Amber見狀只好試圖為二人加溫： 「我呢個位大飽眼福呀！」結果搞到Kyle與阿Ju shy上加shy，Ju更講出口謂：「大鑊，我都好怕醜。」
眼見阿Ju與Kyle鬥shy充滿粉紅泡泡，Amber再加多兩錢肉緊、與Roxanne齊齊力Sell阿Ju：「祝你搵到個好嘅老婆」、「Juliana幾好架」，令Ju數度怕醜抱頭，Kyle見狀挺身護花：「講嗰啲！」雖然Kyle全程表現怕醜，但還是有單刀直入的時候，其中一句劈頭問阿Ju：「你個前度（Ice）好似都會嚟呀嘛」，令阿Ju一度「靜止畫面」。
