早前Sophie宣布加盟《女神》後，曾坦言GM是其理想型，加上大批「MC粉」湧入Sophie社交網力推GM參加《女神》，Sophie問GM是否因為聽到民意才參加？GM強調：「我唔想做嘅嘢冇人迫到我」，坦承暗戀Sophie多時，參加是因不想親眼見到女神Sophie被別人追走，才鼓起勇氣報名：「我好少咁主動，因為我怕瘀，不過我更加唔想你俾人追咗，所以我過嚟追你，俾個機會我哋試吓。」面對GM真誠表白，Sophie強忍滿瀉的笑意掩着心口說：「你講真定講笑㗎？我個心跳得好快！」又忍不住哽咽向製作組撒嬌：「你哋係咪玩我？將我嘅理想型放到咁後！」
Sophie又問GM分不分得清楚自己喜歡的是Sophie還是Candy？GM說：「分得清呀，Candy比較小女孩，但Sophie係時尚新女性」，又大讚Sophie為人幽默，「我鍾意同啲幽默嘅女仔相處，我覺得好開心，我都係鍾意睇爛gag嘅人。」Sophie害羞表示：「我未見過你呢一面，好唔慣，我平時覺得GM有少少玩世不恭playboy feel，我覺得你今日好唔同，我feel到我好緊張。」GM聞言即趨前兼作進一步表白：「其實我好少可咁hang機，俾個機會我追你，好唔好呀？」節目組給Sophie5秒作決定，但她立即走向GM：「我唔需要嗰五秒喇，由開閘嗰吓，我已經揀咗喇！」Sophie為GM戴上「心動頸鏈」時，二人全程不敢對望之餘，還忍不住一再甜笑，粉紅氣場濃罩拍攝現場！
更多節目圖輯：
更多CP圖輯：
