無綫熱播戀愛綜藝真人騷《女神配對計劃》，正式播出後連續兩個星期搶盡全城熱話。明晚（22日）播出的第三集，除有Sophie組充斥刀光劍影的「三角枱約會」，還會播出關嘉敏組的「三角枱約會」！相比之下，關嘉敏（Carman）組的三名參賽者姜卓文（細John）、iBanker 黃家俊（Matthew），及蘭桂坊攝影達人劉榮業（Andy）主力行「禮讓」及「搞笑」路線，而四人之中最搞笑的竟是Carman本人。
原本悉心打扮、以最佳姿態與心儀參賽者細John深入了解的Carman，Fine Dining一開始已儀態盡失。選了牛肉他他作前菜的Carman，未知是否因要與細John交流太過緊張，竟然將一大坨他他醬跌在枱布上。為免女神太過尷尬，三位男士各出奇謀安撫，當中細John除說了一句：「睇唔到睇唔到，幫你遮住」為Carman擊退尷尬，還Man爆地幫Carman清理「被沾污」的枱面。
除了細心夠轉數，細John打開話題的能力亦相當高，當獲得與Carman面對面對話機會後，細John即乘勢重提二人當日首次見面時細節，並直球表示當時對Carman其實有好感，只是礙於一個原因令他不敢邁向Carman多一步。另一搞笑位是，雖然細John與Carman面對面了解機會不多，但二人竟光速地聊到「你做我女朋友會唔會緊張」及「見家長」等問題，佻皮的細John更主動提議要扮演見家長中的John哥（姜大衞），結果成功令Carman一秒爆笑。健談坦白的細John，還自揭全家都是瘦底：「我阿爸同我一樣大嘅時候，佢係120磅，佢嗰時成日跳彈床，武打嗰啲，所以佢一日嘅運動量係超高。」
由於每組的「三角枱約會」都是專誠為五位女神度身訂造，而三位參賽者需要各自說一個爛Gag氹Carman開心，氹得Carman最開心者便可勝出。由於細John賽前已被睇高幾線，Matthew及Andy自然各施各法迎戰這名「最強對手」。Matthew採取全程𥄫到實策略之餘，又與GM一樣盡量爭取機會搭嗲及發言；至於Andy，除了送一本印有「寧可一個人，也不將就」標題的書籍取悅Carman，還全程「以退為進」令Carman意外跌入「唔揀Andy唔得」的困局。
