TVB一眾藝人積極備戰《明星籃球精英隊表演賽．廣州站》，對戰由前中國男籃國手孟鐸，以及「路人王42冠王」陳澤文組成的球星隊。劉穎鏇為明星隊隊長，率領譚俊彥、張振朗、何廣沛、許家傑、戴祖儀、孔德賢、周志康、潘靜文、劉頌鵬、劉詠彤等，每星期最少練習一次，有時甚至一星期操練三課。
劉穎鏇以往未試過在內地比賽，知道會在天河體育中心體育館作賽，心情有點緊張，「反而我覺得同男仔打波會好啲，因為佢哋會錫住我哋。」她大讚隊友會互相補位，而且已經培養好默契，希望到時每人都可以得分。張振朗表示今次比賽是要「搵初戀」，「今次參加比賽我想搵返初戀，自從13歲夏天同籃球結緣之後，我好耐都冇打過喇。而且我13歲開始就有個籃球夢，所以我今次唔係嚟比賽，我係嚟尋夢！」
戴祖儀已經買定兩個啦啦球，準備做啦啦隊同大家打氣，她即興射籃卻射失，「我角度係有㗎，係冇力之嘛，我有埋力鋪鋪做神射手，都唔知你哋點算。」何廣沛透露在橫店拍劇時，也曾與當地的學生打籃球，「當地啲學生好勁，個個都好高大，手長腳長。」雖然會因為比賽感到緊張，但有許家傑做隊友令他很放心，「Jack有自己球隊，係HERO嘅老大哥，好有經驗，有佢帶住個心都定啲。相信只要傳到空位俾Jack，都有8、9成機會入波。」他又笑說：「籃板王我應該攞硬，我好有信心，呢幾次練波都有一個2米高嘅對手訓練我彈跳力，而家我跳到兩個膝頭傷晒，就快變『雙失』㗎喇。」
許家傑一向有留意國家隊表現，特別是女籃每一位運動員都很高，高自己成個頭；又試過跟內地朋友打籃球，覺得他們不論是技術與體魄都很強。Jack從小就打籃球，雖然近年轉跑馬拉松、pickleball，不過自己有球隊，所以沒有生疏。
更多圖輯：
