周嘉洛、陳瀅、朱敏瀚等今日出席劇集《痞子無間道》活動，劇中朱仔飾演萬人迷，他表示角色有玄機，「其實都演得辛苦，劇中所有女角色都要俾我挑逗，同JW嘅難度多啲，因為高度難啲，其實原來唔理好醜都好辛苦，不過今次都好，因為平時無機會咁做，而且又唔敢，不過出嚟效果好好，可以令大家懷疑我唔會鍾意男仔，呢啲動作係有原因。」
朱仔去年與陳曉華（Hera）傳出拍拖，問到今日如何度過首個情人節，「今日返屋企食飯，約咗阿媽打邊爐，所以無特別要做啲咩，對我嚟講每天都係平日，（送咩禮物？）禮物閒日都無送，唔會特別送，之前做訪問都講過，唔想好似變成還禮咁，你送我，我又還禮俾你咁。」至於周嘉洛及陳瀅同樣表示情人節只可以返屋企陪狗仔度過。
