早前無綫發出盈喜，料去年業績轉虧為盈，錄得純利逾5,000萬元，並點名受惠於劇集《新聞女王 2》的廣告及贊助。佘詩曼並無邀功，認為功勞屬於監製、編劇及一眾演員，以至所有台前幕後，亦要多謝觀眾支持，若果沒有觀眾支持，便不會如此成功。對於成為吸金女王，阿佘認為劇集有錢賺是好事，「開心嘅，賺錢喎，邊個唔開心啫？」。，她透露農曆年間去了兩次旅行，與母親及弟弟等一行9人遊泰國，對於到當地美食廣場午膳被指貼地，她表示因為母親喜歡，「平靚正，雖然好多人，但媽媽開心就得，我又唔係做啲咩衰嘢，雖然有人認得，但大家好友善冇打搞。」被網民大讚腰幼，她自豪笑說：「未粗過！」
香港電影金像獎公布入圍名單後，譚耀文於社交平台發帖寫上「心灰意冷」4個字，被指因為未能入圍而不滿，被問到心情是否已經好轉？阿譚笑說：「我玩遊戲輸咗啫，遊戲規則我唔係好識嘛，咪輸囉，講笑，我朋友都知道我大方。」阿譚表示並非因為氣憤，「只係有啲心事，關唔關金像獎事就唔講！」他認為每個人都好努力，真心多謝大家的關心與鼓勵，「人有好多願望，但去到某啲時候就要放下，放下唔代表放棄，期望新劇收視好，依家唔係心灰意冷，係雄心壯志。」
更多現場圖輯：
