任達華在圈中人緣甚佳，亦不時有網民分享偶遇華哥的開心體驗，昨日（15日）有網民在社交平台發帖，寫道：「明星大晒？」題為《任達華你有冇搞X錯 離X晒譜》，該網民與朋友在停車場見到任達華正在泊車，望了幾眼之後，華哥主動向他們俾Like，然後他們在電梯口再次碰面，網民向華哥說：「華哥，咁啱我呢幾日翻煲緊《黑社會》。」閒談之後，得知華哥原來相約朋友食飯，大家在同一層出Lift，網民問華哥可否合照？華哥即化身《黑社會》的角色「樂少」，網民說：「佢話可以，佢再話：『影相好呀，唔使戴頭盔，釣魚就要帶。』」（《黑社會》電影劇情，大D（梁家輝）係俾佢用石頭扑頭扑死）網民與朋友立即笑爆。
網民在餐廳就座之後，竟然見到華哥步入，「我哋仲坐正咗喺華哥房門口，佢經過嘅時候仲好調皮咁食咗我一嚿魚餅，本身都想鬧佢，不過算啦。」怎料網民用膳完畢，結帳時發現，「華哥幫我哋埋左張單！！！任達華幫我哋埋咗單！！！」網民續寫道：「任達華你有冇搞X錯？立亂埋人哋張單，搞到我以為你食咗我嚿魚餅，原來係我食咗你成餐飯！」
更多圖輯：
部分圖片：threads@macheuksang
