《中年好聲音3》昨晚（13日）舉行「林子祥金曲之夜」，林子祥擔任評審，正如早前在預告片中「劇透」，黃博獲99分，同時被阿Lam選為MVP，這是她第三度獲此榮譽。阿Lam給予極高評價，「下次我唱呢隻歌，我要搵你同我唱，你啲喉嚨聲要借嚟畀我哋用吓。」四位評審給20分滿分，周國豐給19分，自認時常反高潮的他點評：「我唯一扣咗好少好少分，呢首其實係傾向比較sad嘅歌，如果慘情少少……」話未說完，肥媽已拿起膠水樽裝作「爆樽」動作。
占士丁丁（Dan James）獻唱《真的漢子》獲得第二高分，95分的亮麗成績，大晒beat box技能之餘，更附加英文rapping環節，阿Lam也高舉拇指讚好，「我喜歡你的風格，你唱歌的力道恰到好處，真棒。」海兒直言廣東話是世上最難的語言：「咁快嘅歌詞，都背得咁熟，仲要唱到自己style，喺個台度做咁多嘢畀觀眾睇，真係truly amazing！」
本輪為12強晉身10強淘汰賽事，獻唱《敢愛敢做》獲80分的羅逸軒成為第12名、獻唱《分分鐘需要你》獲83分的劉曉昆成為第11名，雙雙離開《中年好聲音3》舞台。羅逸軒分享感言時指，現實習慣擔當照顧別人的角色，參賽追夢讓他恍如到了另一個世界般，「現實生活我係老闆、兒子、另一半，可能擔當咗好多照顧人嘅角色，參加比賽後識咗好多哥哥姐姐，好似行咗另一個世界咁，好得意個感覺，好似行咗個夢幻嘅旅程，做到好多我冇諗過會做嘅嘢。」劉曉昆分享感言時不禁淚灑舞台，她特別感謝坐在觀眾席的媽媽無條件支持自己：「前陣子時間，可能網上有一些評論，媽媽會跟我一起經歷，非常對不起媽媽。但是我覺得每個人都有自己長大的過程，所以我非常開心我在這裏，學會了就是一定要堅持做自己，做一個自己喜歡的人的樣子很重要。」
更多比賽圖輯：
