樊亦敏與歐瑞偉自加入《愛．回家之三代同糖》以來，二人飾演的龔喜與朱基KC的身份之謎，一直被網民討論，答案將於今晚一集正式揭曉。
此外，狀態大勇的樊亦敏（Amy）在劇中百變且Sharp醒的造型向來搶鏡，今晚劇情中，她首日前往「跨世代」做實習生，竟以一身極度浮誇的橙色打扮返工，加上「離地」性格兼「說話唔經大腦」引發連場笑料。除了今晚的爆笑劇情，Amy在之後的集數更會與車婉婉上演一幕「重返校園」，兩人會齊齊換上中學校服，化身Twins手牽手「彈吓彈吓」行路；她們玩攤位遊戲時少女心大爆發，玩到忘形唔捨得走，畫面充滿歡樂氣氛。
Amy接受官方訪問時透露，劇中的百變造型是與工作人員一齊構思：「咁啱我有個橙色袋，就攞出嚟用。」她笑言穿上校服拍攝勾起以往很多校園回憶，但當下亦有點擔心：「車婉婉高吖嘛，佢著得靚啲呀，哈哈！不過都幾得意，我哋兩個著得『蠢蠢哋』，好似返咗中學嘅時光咁。希望大家唔好覺得有違和感啦，我哋自己就覺得成件事好正。」